उर्लाबारी । राष्ट्रिय प्रजातन्त्र पार्टी (राप्रपा) को दोस्रो उर्लाबारी नगर अधिवेशनले देवीप्रसाद दाहाललाई अध्यक्ष पदमा निर्वाचित गरेको छ ।
उर्लाबारी–५ स्थित बौद्ध गुम्बा परिसरमा शनिबार सम्पन्न अधिवेशनबाट दाहाल अध्यक्षमा निर्वाचित हुनुभएको हो । नगर अधिवेशनका लागि १ सय ५८ मतदाता प्रतिनिधि रहेपनि एक सय ३२ मत खसेको थियो । विजयी दाहालले ९१ मत प्राप्त गर्नुभयो भने उहाँका निकटम प्रतिद्वन्द्वी प्रतिक आचार्यले ३१ मत प्राप्त गर्नुभएको राप्रपा कोशी प्रदेश कोषाध्यक्ष पूर्ण वाइबाले जानकारी दिनुभयो । अन्य पदमा भने सर्वसम्मत नेतृत्व चयन गरिएको थियो ।
